بورڈ آف ڈائریکٹرز

جناب عباس ڈی حبیب 2020 میں الحبیب ایسٹ مینجمنٹ لمیٹڈ کے ، بورڈ آف ڈائریکٹرزکے چیئر مین بنے۔ آپ 2016 سے بینک الحبیب لمیٹڈ کے ، بورڈ آف ڈائریکٹرزکے چیئرمین بھی ہیں۔

1991 میں بینک الحبیب لمیٹڈ کے آغاز کے ساتھ ہی آپ اس کے ڈائریکٹر اور جوائنٹ منیجنگ ڈائریکٹر بن گئےجبکہ 8 مئی 1994 کو آپ نے بینک کے منیجنگ ڈائریکٹر اور چیف ایگزیکٹو کے طور پر ذمہ داریاں سنبھالیں اور 31 اکتوبر 2016 تک اس عہدے پر خدمات سر انجام دیں۔

جناب عباس ڈی حبیب انسٹی ٹیوٹ آف بینکرز پاکستان کے فیلو ممبر اور حبیب انشورنس کمپنی لمیٹڈ کے بورڈ میں ڈائریکٹر ہیں۔

آپ کو قومی اور بین الاقوامی سطح پر تجارت ، صنعت اور بینکنگ کے شعبے میں 40 سال سے زیادہ کا بھرپور تجربہ ہے۔ آپ حبیب گروپ کی مختلف تنظیموں کے ساتھ اعلیٰ انتظامی عہدوں پر فائز رہے ہیں اور آپ نے حبیب سنز بینک لمیٹڈ، لندن کے ساتھ بطور ریجنل ڈائریکٹر اور بعدازاں ایگزیکٹو ڈائریکٹر کے طور پر کام کرتے ہوئے بین الاقوامی بینکنگ کا تجربہ حاصل کیا۔

جناب منصور علی الحبیب ایسٹ مینجمنٹ لمیٹڈ کے بورڈ میں ڈائریکٹر ہیں اور بینک الحبیب لمیٹڈ کے ساتھ نومبر 2016 سے بطور چیف ایگزیکٹو آفیسر کام کر رہے ہیں۔ آپ 1994 سے ہی بینک میں زونل گروپ ہیڈاور چیف آپریٹنگ آفیسر سمیت مختلف عہدوں پر خدمات سر انجام دیتے رہے ہیں جبکہ بینک کی مختلف داخلی کمیٹیوں کے چیئرمین/ممبر کے طور پر بھی کام کیا ہے ۔ اس سے قبل، انہوں نے بینک آف کریڈٹ اینڈ کامرس انٹرنیشنل (پاکستان، دبئی-یو اے ای، یمن) میں جنوری 1985 سے مارچ 1992 تک مختلف عہدوں پر خدمات سر انجام دیں۔ جناب منصور علی انسٹی ٹیوٹ آف بینکرز پاکستان کی کونسل کے رکن ہیں۔ انہوں نے جنوری 2016 میں انسٹی ٹیوٹ آف بزنس ایڈمنسٹریشن (IBA) سے ڈائریکٹرز ٹریننگ پروگرام سمیت بہت سے کورسز/ٹریننگ میں شرکت کی ہے اور بزنس ایڈمنسٹریشن (بینکنگ اینڈ فنانس) میں ماسٹر ڈگری حاصل کی ۔ آپ کے پاس کمرشل بینکنگ کا وسیع تجربہ ہے۔

جناب سعید اللہ والا ایٹکو لیبارٹریز لمیٹڈ اور سافٹٹرونک سسٹمز پرائیویٹ لمیٹڈ کے چیئرمین ہیں، اس کے علاوہ وہ مختلف معروف اداروں کے بورڈ آف ڈائریکٹرز کے رکن ہیں۔ انہوں نے انسٹی ٹیوٹ آف بزنس ایڈمنسٹریشن کراچی سے بزنس ایڈمنسٹریشن میں ماسٹرز کیا ہے اور ایک تجربہ کار تاجر ہیں۔آپ نے کامیابی کے ساتھ یورپ، آسٹریلیا اور امریکہ کی کئی ملٹی نیشنل کمپنیوں کے ساتھ تعاون کر کے مشترکہ منصوبے مکمل کیے ہیں۔

جناب عمران عظیم ایم بی اے فنانس ہیں اور میوچل فنڈ انڈسٹری میں تیس سال سے زیادہ کا تجربہ رکھتے ہیں۔ انہوں نے 1977 سے 1998 تک این آئی ٹی میں خدمات انجام دیں جہاں انہوں نے سرمایہ کاری، مارکیٹنگ، بزنس ڈویلپمنٹ اور اکاؤنٹس سمیت مختلف محکموں میں کام کیا۔ این آئی ٹی چھوڑنے کے بعدآپ نے خالد ماجد حسین رحمٰن چارٹرڈ اکاؤنٹنٹس فرم کو جوائن کیا اور بعد میں یونیورسل انشورنس کمپنی لمیٹڈ میں شمولیت اختیار کی۔ وہ ہارون ملز لمیٹڈ کے چیف ایگزیکٹو آفیسر کے طور پر بھی کام کر چکے ہیں۔ آپ الحبیب ایسٹ مینجمنٹ لمیٹڈ کے بانی ڈائریکٹر اور چیف ایگزیکٹو تھے اور اپریل2020 تک کمپنی میں خدمات سر انجام دیتے رہے ۔

محترمہ زرین عزیز فرسٹ ویمن بینک لمیٹڈ کی سابق صدر ہیں۔ وہ پاکستان کی خواتین کی سماجی و اقتصادی ترقی کے لیےکام کرنے والی رہنما ہیں۔ اپنے کیریئر کے دوران آپ پنجاب، کے پی کے اور وفاقی دارالحکومت میں بھی اہم عہدوں پر فائز رہی ہیں۔ آپ پنجاب یونیورسٹی لاہور سے پبلک ایڈمنسٹریشن میں ماسٹرز ہونے کے ساتھ ایک ممتاز تعلیمی پس منظر رکھتی ہیں۔ اس وقت محترمہ زرین عزیز یونیورسٹی آف ہیلتھ سائنسز کے بورڈ آف گورنرزاور اربن سیکٹر پلاننگ اینڈ مینجمنٹ سروسز یونٹ (پرائیویٹ) لمیٹڈ کے بورڈ آف ڈائریکٹر میں شامل ہیں اس کے ساتھ ساتھ ممبر نیشنل ایگزیکٹو کونسل فیملی پلاننگ ایسوسی ایشن آف پاکستان میں بھی خدمات انجام دے رہی ہیں۔

جناب کاشف رفیع کے پاس سرمایہ کاری اور فنڈ مینجمنٹ کے شعبے میں 20 سال سے زیادہ کا وسیع تجربہ ہے۔ انہوں نے جیسے اثاثہ جات کی صنعت میں کچھ اعلیٰ ناموں ایم سی بی عارف حبیب، اے بی ایل ایسٹ مینجمنٹ اور جے ایس انویسٹمنٹ کے ساتھ سینئر سطح کے عہدوں پر کام کیا ہے۔ الحبیب ایسٹ مینجمنٹ میں بطور سی ای او شامل ہونے سے پہلے، وہ بینک الحبیب لمیٹڈ کے پلیٹ فارم سے ایک کامیاب ایسٹ مینجمنٹ کمپنی چلانے کے بنیادی کام کے ساتھ منسلک تھے۔ جناب کاشف نے آئی بی اے سے فنانس میں ایم بی اے کیا ہے اور اس وقت میوچل فنڈ ایسوسی ایشن آف پاکستان کے بورڈ میں بطور ڈائریکٹر خدمات انجام دے چکے ہیں۔ وہ فنانشل مارکیٹس ایسوسی ایشن آف پاکستان کے ایگزیکٹو کمیٹی کے رکن کے طور پر بھی خدمات انجام دے چکے ہیں۔